МБОУ Хоринская СОШ им.Г.Н.ЧиряеваСреда, 23.01.2019, 17:46
   Добро пожаловать на сайт МБОУ Хоринская СОШ им.Г.Н.Чиряева
Приветствую Вас Гость | RSS
Меню сайта
Вход
Статистика

Онлайн всего: 1
Гостей: 1
Пользователей: 0
Главная » 2016 » Март » 1 » Күндэйэҕэ агрооскуолалар семинардара
12:48
Күндэйэҕэ агрооскуолалар семинардара

        Олунньу 26 күнүгэр Сунтаар улууһун Күндэйэ орто оскуолатыгар агрооскуолалар директордарыгар, учууталларыгар аналлаах семинар үрдүк таһаарыылаахтык буолан ааста.

       Республика араас улуустарыгар 90-тан тахса  агро хайысхалаах оскуолалар үлэлии олороллор. Олортон бу тэрээһиҥҥэ барыта 44 оскуола кыттыыны ылла. Олор истэригэр Илин эҥээртэн 13 оскуола директордара кэлбиттэр.

       Биһиги улуустан Хоро, Нам, Тамалакаан, И.Н. Барахов аатынан 1 №-дээх, М.Т.Егоров аатынан 2 № - дээх  оскуолалар директордара, үлэһиттэрэ уопут атастаһан кэллибит.

       Күндэйэ оскуолата Сунтаар улууһугар биир бастыҥ көрдөрүүлээх оскуолалартан биирдэстэрэ буолар. Директор Маргарита Николаевна Иванова. Бу оскуола 152 үөрэнээччилээх,  32 учууталлаах, 17 тех үлэһиттээх үлэлии-хамсыы олорор.

       Икки этээстээх таас оскуолаҕа 2011 сыллаахха киирбиттэр. Аан бастаан Уус Алдан улууһун Саха-Бельгийскай гимназиятын кытта ыкса ситимнээхтик үлэлээбиттэр, 2006 сыллаахха ЮНЕСКО оскуолаларын Ассоциациятыгар киирбиттэр, Правительство, дьиэ кэргэн Депертаменын, Ил Дархан Гранын хаһаайыттара буолбуттар.

       Оскуола үөрэнээччилэрэ «Тулуйхан» Светлана Александровна, Егор Ильич Неустроевтар, «Күндүл» фольклорнай ансамбльга дьарыктанан республиканскай, Аан дойду таһымнаах фестивалларга, конкурстарга Гран-При, Лауреат, дипломант буолары ситиспиттэр.

       Эбиэккэ дылы ыалдьыттар: “Семейный бюджет” 10 кылааска Л.В. Васильева, “Оҕуруот аһын үүннэрии сатабылларын кыра эрдэхтэн” 3 кылааска Л.Г.Львова,“Сылгы-саха тыына” 2 кылааска О.П.Николаева, “Экологические факторы в жизни растений” Н.Н.Максимова, “ Электричество вокруг нас” 8 кылааска А.О.Саввинова, “ Виртуальная экскурсия в город Фразеологию” 7 кылааска М.В.Васильева, “Кыталык-айыы көтөрө” 2 кылааска Н.Н.Веригина, “Сылгы-олох философията” 6 кылааска Е.В.Кузьмина, “О, спорт-ты мир!”А.М.Кузьмин, А.Н.Максимов, Н.Д.Егорова ыыппыт аныгы ирдэбиллэргэ эппиэттиир аһаҕас уруоктарыгар сырыттыбыт.

       Итини таһынан «Дойдум эмтээх отторо», «Уран уус», «Этногимнастика» төрөппүттэр ыытар куруһуоктарын, «Украшение и сувениры из меха и кожи» М.А.Трофянова, «Бултуур тэрили бэйэ илиитинэн» В.И.Сергучев, В.В.Евсеев эбии дьарыктарын көрдүбүт, кыра сувенирдары оҥорорго үөрэннибит.

 «Содружество: детский сад-начальная школа», «Всем наслегом за здоровое будущее»,  «XXI век-век духовности, культуры», «Организация летней занятости детей»,  «Научно-исследовательская деятельность» ,«Үтүө үтүөнү саҕар» диэн программанан оскуола, детсад, кулууп, бибилиотека, төрөппүттэр бииргэ үлэлэлииллэрин көрдөрдүлэр.

Кыра кылаастарга «Окружающий мир», «Төрүт дьарык», «Валеология», «Юный цветовод», «Экологическая тропа», «Мой мир», 5 кылааска «Природоведение», «Валеология», «Краеведение», 6 кылааска «Валеология», «Экология растений», 7 кылааска «Тыаһыт», «Уход за домашними животными»,8 кылааска «Основы экологии», «Химия и агрономия», 9 кылааска «Технология производства мясо-молочных продуктов», «Охотничьи промыслы», «Физиология человека», «Химия жизни», «Физика-ориентир моей будущей профессии»,«Овощеводство», 10-11 кылаастарга «Основы агрономии», «Основы предпринимательства», «Основы ведения крестьянского хозяйства», «Основы семейной экономики», «Основы животноводства», «Основы сестринского дела» диэн элективнай курстарга оҕолору дьарыктыыр эбиттэр.

Сайыҥҥы лааҕырдарга 3 сайылыкка оҕолор сүөһү көрүүтүгэр көмөлөһөллөр, оҕуруот олордоллор, көрөллөр-харайаллар.

Нэһилиэк СХПК - та билигин 100 сүөһүлээх уонна өссө эбии 100 сүөһүнү нэһилиэнньэттэн ылан кыстатан турар. «Быйыл, былырыын арочнай саҥа хотоннорго киирэн абыранныбыт”,-диэн үөрэн кэпсииллэр. СХПК бэйэтин күүһүнэн маслоцех, уопсай дьиэ тутан киллэрбит. СХПК базатыгар оскуола оҕолоро производственнай практиканы ааһаллар эбит.

«Проблемы и дальнйшее развитие агрошкол» диэн темаҕа төгүрүк остуолга санаа атастаһыыта буолла. Билиҥҥи кэмҥэ агро оскуолалар көрсөр ыарахаттарын, 2015 сыллаах үлэ түмүгүн, сана сыл былааннарын, буолаары турар А.С.Макаренкоҕа аналлаах ааҕыыларга кыттааһын боппуруостарын туһунан кэпсэтии барда.

Бу тэрээһини «Тещин язык» сынньалаҥ кииҥҥэ түмүктээтэбит.

Ити курдук, Күндэйэ оскуолатыгар ыалдьыттаан, ирэ-хоро кэпсэтэн, саҥа сүүрээннэри олоххо киллэрэрдии, аны сайын республиканскай агро оскуолалар ыһыахтарыгар Намҥа көрсүһүөххэ дылы диэн бары да астынан тарҕастыбыт.

 

Хоро орто оскуолатын төрүт культура учуутала С.В. Максимова

Просмотров: 149 | Добавил: horo
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Горячая линия ГИА

Телефон доверия:

8-(4112)-42-10-28

+7 (495) 104-68-38

«Горячая линия»:

ЕГЭ: 8-(4112)-42-10-46

ОГЭ: 8-(4112)-42-10-48

+7 (495) 984-89-19

Контакт
Телефон/факс приёмной:

8-(411)-33-2-32-11
с 8:00 до 18:00

Бухгалтерия

8-(411)-33-2-33-20
с 9:00 до 18:00


Пришкольный интернат

8-(411)-33-2-31-11
с 9:00 до 18:00


Адрес электронной почты:


Юридический адрес школы:

село Хоро, улица Октябрьская 5, Верхневилюйский улус, Республика Саха(Якутия) инд.: 678233


Администрация школы, режим работы

Друзья сайта
  • Сайт Верхневилюйского управления образования
  • ИРОиПК
  • Министерство образования РС (Я)
  • ФГОС
  • МОиН РФ
  • Архив записей
    МБОУ Хоринская СОШ им.Г.Н.Чиряева © 2019Создать бесплатный сайт с uCoz