МБОУ Хоринская СОШ им.Г.Н.ЧиряеваСреда, 23.01.2019, 17:44
   Добро пожаловать на сайт МБОУ Хоринская СОШ им.Г.Н.Чиряева
Приветствую Вас Гость | RSS
Меню сайта
Вход
Статистика

Онлайн всего: 1
Гостей: 1
Пользователей: 0
Главная » 2016 » Апрель » 19 » Спортка анаммыт икки кун...
04:43
Спортка анаммыт икки кун...

Спорка анаммыт икки күн...

Бу дьыл муус устар 15-16 күннэригэр Дүллүкү орто оскуолатыгар Бүлүү эбэ хаҥас биэрэгэр сытар нэһилиэктэр оскуолаларын икки ардыгар ыытыллар үгэскэ кубулуйбут Х-с үбүлүөйдээх спартакиадалара буолан ааста. Манна уопсайа тоҕус көрүҥҥэ кэнчээри ыччаты сырдыкка, кэрэҕэ сирдиир, иитэр, үөрэтэр аналлаах Маҥаас, Сургуулук, Боотулуу, Оҥхой, Далыр, Дүллүкү, Кырыкый, Мэйик, Хоро оскуолаларын үлэһиттэрэ күөн көрсүстүлэр.

Биһиги оскуола 25 киһилээх хамаанда тэринэн күрэххэ үрдүк таһымнаахтык кыттан кэллэ.

  Оонньуу бары көрүҥнэрэ сүрдээх тыҥааһыннаахтык бардылар. Хамаанданан оонньуулар көрдөрүүлэрэ: волейболга эр дьон уонна дьахталлар диэн арахсан оонньоотулар. Биһиги кэрэ аҥардарбыт (Васильева Т.Л., Алексеева Н.Д., Егорова А.В., Тарасова В.И, Саввинова М.Е., Евдокимова С.Н., Евсеева В.И.) Кырыкый күүстээх хамаандатын кэнниттэн 2 миэстэни эрэллээхтик ыллылар, онтон эр дьон хамаандата (Саввинов Н.Н., Прокопьев Л.П, Жендринскэй А.А., Дяриков Ю.А., Евсеев Е.И., Касьянов С.А., Евдокимов Н.Н., Егоров А.Н.) күүстээх утарсааччылары көрсөн, бэрт өр эриһэн баран бириистээх миэстэттэн матыы хомолтотун биллилэр. Онтон алта киһиттэн састааптаах (Иванов В.В., Яковлева Т.Н., Жендринскэй А.А., Хобусаров С.Р., Евсеева В.И.,Касьянов С.А. ) эстафета ыытылынна. Манна биһиги дьоммут кытыгырас атахтаах күөн көрсүһээччилэриттэн алтатын кэннигэр хаалларан 3 миэстэни ыллылар.  Канат тардыһыытыгар бигэ тирэхтээх, күүстээх дьоннорбут  (Саввинов Н.Н., Саввинов Е.Е., Евсеев Е.И., Дяриков Ю.А., Саввинова М.Е., Тарасова В.И.) эрэллээхтик бастакы миэстэҕэ тигистилэр. Саанан сыал ытыыга 7 мүнүүтэ иһигэр биэстии сыалы олорон, сытан уонна тураат ытыыга биһиги дьоммут (Яковлева Т.Н., Константинов М.В., Степанов А.В.) иннилэрин кимиэхэ да биэрбэтилэр, маҥнайгы миэстэни ылыахтарын ыллылар.

Ону таһынан “Хоһуун” күрэҕэр биһиги уолбут Жендринскэй А.А. төһө да бары кыттааччылартан уҥуоҕунан-арҕаһынан кыра буоллар, үс хоһууну кэннигэр хаалларан 6 миэстэҕэ тигистэ. Остуол оонньууларыгар (хаамыска, хабылык) хамаанданан 4-с, дуобакка (Васильева Т.Л., Прокопьев Л.П.) 4-с, шахмакка (Касьянова Т.В., Иванов В.В.) кыһыылаахтык 7-с буолан хааллыбыт.

Онтон көрүҥнэринэн биирдиилээн бириистээх миэстэлэргэ тигистилэр: биһиги оскуола инники күөҥҥэ тахсарыгар куруук бигэ тирэх буолар спорт бэтэрээннэрэ Касьянова Т.В. остуол тенниһигэр 2 миэстэ, Евдокимов Н.Н. эмиэ бу көрүҥҥэ 2 миэстэ, остуол оонньуутугар хабылыкка, хаамыскаҕа Яковлева Т.Н. 2 миэстэ, саанан сыал ытыыга эр дьоҥҥо Константинов М.В. 1 миэстэ, дьахталларга улууска, региоҥҥа, республикаҕа бэйэтин тэҥнээҕин булбатах кыраҕы харахтаах бэргэн ытааччыбыт Яковлева Т.Н. 1 миэстэни ыллылар.

Оонньуу түмүгэр Боотулуу орто оскуолатыттан 1 эрэ очконан хаалан иккис миэстэни ыллыбыт. Ол эрэн, спорт аата спорт, ким эрэ кыайыахтаах, ким эрэ хотторуохтаах. Хамаанда иккис бириистээх миэстэҕэ тахсарыгар бука бары кыһалыннылар. 

Эйэҕэс үлэһиттэрдээх, сиэрдээх судьуйалардаах Дүллүкү орто оскуолатын директорыгар Кардашевскай С.Н. уонна профком председателигэр Санников И.А.  спартакиаданы үрдүк таһымҥа тэрийэн ыыппыттарыгар махталбытын тиэрдэбит.

Назарова А.Е. саха тылын уонна литературатын учуутала

Просмотров: 255 | Добавил: horo
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Горячая линия ГИА

Телефон доверия:

8-(4112)-42-10-28

+7 (495) 104-68-38

«Горячая линия»:

ЕГЭ: 8-(4112)-42-10-46

ОГЭ: 8-(4112)-42-10-48

+7 (495) 984-89-19

Контакт
Телефон/факс приёмной:

8-(411)-33-2-32-11
с 8:00 до 18:00

Бухгалтерия

8-(411)-33-2-33-20
с 9:00 до 18:00


Пришкольный интернат

8-(411)-33-2-31-11
с 9:00 до 18:00


Адрес электронной почты:


Юридический адрес школы:

село Хоро, улица Октябрьская 5, Верхневилюйский улус, Республика Саха(Якутия) инд.: 678233


Администрация школы, режим работы

Друзья сайта
  • Сайт Верхневилюйского управления образования
  • ИРОиПК
  • Министерство образования РС (Я)
  • ФГОС
  • МОиН РФ
  • Архив записей
    МБОУ Хоринская СОШ им.Г.Н.Чиряева © 2019Создать бесплатный сайт с uCoz