МБОУ Хоринская СОШ им.Г.Н.ЧиряеваСреда, 23.01.2019, 16:30
   Добро пожаловать на сайт МБОУ Хоринская СОШ им.Г.Н.Чиряева
Приветствую Вас Гость | RSS
Меню сайта
Вход
Статистика

Онлайн всего: 1
Гостей: 1
Пользователей: 0
Главная » 2016 » Декабрь » 6 » Тэттик сонуннар
06:13
Тэттик сонуннар

       Оҕо өй-санаа, эт-хаан, сиэр-майгы өттүнэн сайдан тахсарыгар иитэр-үөрэтэр биһик, оскуола, биир төһүү күүһүнэн буолар. Ол курдук Хоро орто оскуолата эмиэ бэйэтин умсулҕаннаах үлэтин кэккэ сонуннарын тистэххэ, быйылгы 2016-17 үөрэх сылын маҥнайгы аҥарыгар биһиги оскуолабытыгар нэһилиэк, улуус, регион, республика таһымнаах араас тэрээһиннэр тиһигин быспакка бара тураллар.

       Ол курдук, быйыл үөрэх сыла арыллаатын оҕолор практикаҕа тахсан бурдук хомууругар, от үлэтигэр, хортуоскаҕа, бүтэй абыраҕар, оҕуруот аһын хостооһунугар, отон, дөлүһүөн үргээһинигэр сылдьан саҕалаабыттара.

       Сыл аайы биһиги үгүс учууталларбыт оҕолору наукаҕа маҥнайгы хардыылары оҥорорго сирдииллэр. Ол биир холобурунан, улууска ыытыллыбыт "Инникигэ хардыы" научнай-практическай конференцияҕа 7 оҕобут бириистээх миэстэҕэ таҕыстылар. Онон улахан сүһүөх кылаас оҕолоро Уйгу Семенова, Сайаана Николаева, Айтал Егоров, Явловская Аня, Константинова Наташа, Степанов Джулустан региоҥҥа улууспут аатын көмүскүүр үрдүк чиэскэ тигистилэр.

       Ону таһынан үөрэх сылын биир үрдүк таһымнаах тэрээһининэн, Манчаары оонньууларын керсе, норуоттар икки ардыларыгар доҕордуу сыһыаны, атын омук культуратын ытыктыы үөрэнэргэ иитэр суолталаах үҥкүү күрэҕэ буолла. Манна хас биирдии кылаас оҕото толору хабыллан араас норуоттар үҥкүүлэрин үрдүк таһымнаахтык толорон үөрдүлэр-көттүлэр. Бу күрэххэ оскуолабыт тирэхтэрэ, төрөппүттэр барахсаттар, үп-харчы кырыымчык кэмигэр биир санаанан ылсан, дьэрэкээн таҥастары тигэн оҕолорун үөрүүлэрин өссө үрдэттилэр. Оттон кылаас салайааччылара, кинилэргэ сыһыарыллыбыт омуктар үҥкүүлэрин хамсаныытын үөрэнээччилэрин, төрөппүттэрин кытта бэйэлэрэ толкуйдаан туруорбуттара хайҕаллаах.

       Билии акылаатын түһэрээччи алын кылаас учууталлара буолаллар. Бу дьыл сэтинньи 25 күнүгэр биһиги оскуолаҕа алын кылаас учууталларыгар аналлаах семинар буолан ааста. Манна кэлбит учууталлар, тэрээһин төһө да биир күн буоллар, бары ФГОС саҥа ньымаларыгар баай уопуттарын үллэстэн, бэйэлэригэр эмиэ саҥа сүүрээни киллэринэн, санаа атастаһан, дуоһуйа кэпсэтэн тарҕастылар.

       Бу күн, семинары кытта сиэтиһиннэрэ, улууска сылын аайы ыытыллар оскуолалар икки ардыларынааҕы комплекснай спартакиада чэрчитинэн мас тардыһыытыгар күрэх биһиги оскуолаҕа буолан ааста. Улуус оскуолаларыттан 80 тахса спортсмен кэлэн күүстэрин холоннулар. Күрэх арыллыытыгар Тамалакаан үҥкүүһүт уолаттара кыттыыны ылан киэргэттилэр.Түмүгэр, биһиги оҕолорбут хамаанданан 2 миэстэни ылары ситистилэр. Күүстээх утарсааччынан Нам орто оскуолатын оҕолоро буолан, инники күөҥҥэ таҕыстылар.

       Улуус үөрэҕириитин 140 сылын көрсө ыытыллыбыт тэрээһиҥҥэ оскуолабыт историятын, билиҥҥитин, үлэтин-хамнаһын сырдатар арааас көрдөрөр экспозицияларынан выставкаҕа кыттан  үһүс бочуоттаах миэстэни ылары ситистибит.

       Биһиги нэһилиэккэ үөрэх маҥнайгы саҕахтарын арыйбыт ытык киһибит Георгий Николаевич Чиряев кыыһа нуучча тылын учуутала Вера Георгиевна Чиряева 100 сааһыгар аналлаах тэрээһини нуучча тылын уонна литературатын учууталлара иилээн-саҕалаан ыыттылар. Манна кэлбит ыалдьыттар аһаҕас уруок биэрдилэр, дакылаат аахтылар, санааларын сайа этиннилэр. Учууталлар оҕолору нуучча тылыгар түмүктүүр өйтөн суруйууга  эрчийдилэр, сонун сүбэлэри биэрдилэр.

       Ону таһынан, биһиги нэһилиэккэ киэҥник биллэр Дмитриевтэр учуутал династияларын ытык киһилэрэ, ийэлэрэ, интернакка иитээччинэн өр сылларга үлэлээбит Степанида Семеновна Дмитриева 100 сааһын көрсө күтүөттэрэ Василий Захарович иилээн-саҕалаан таһаарбыт кинигэтин сүрэхтэниитэ интэринээккэ буолан ааста. Хоро интернатыгар олорор оҕолору кытта көрсүстүлэр, хаһыс да сылын олорор иитиллээччилэргэ диэн анал бэлэх туттардылар. Манна Степанида Семеновна үлэлиир сылларыгар олорбут интэринээт иитиллээччилэрэ, бииргэ ыаллаһан олорбут ыаллара, доҕотторо-атастара, оҕолоро, сиэннэрэ кэлэн ахтыы киэһэтэ оҥордулар.

       Өссө биир улахан тэрээһининэн СР үтүөлээх үлэһитэ, үрдүкү категориялаах бокса тренерэ, оскуола директорынан үлэлээбит Алексей Николаевич Захаров сырдык кэриэһигэр боксаҕа аһаҕас турнир буолан ааста. Манна Алексей Николаевич бииргэ үлэлээбит коллегалара, доҕотторо-атастара, аймахтара, боксаҕа уһуйбут, ииппит, үөрэппит оҕолоро уонна Сунтаар, Ньурба, Бүлүү, Үөһээ Бүлүү улууһун боксаҕа иитиллээччилэрэ кэлэн үөрүүнү үксэттилэр, тэрээһини көҕүлээтилэр. сылаас тыллары санаан, ахтан аастылар, Хас биирдии миэстэҕэ тиксибит оҕолор күлүмүрдэс мэтээли түөстэригэр кэттилэр уонна сыаналаах бириистэри туттулар. Ону таһынан, Алексей Николаевич аймахтара, оскуолаҕа үөрэммит, студеннаабыт сылларыгар билсибит доҕор-атас дьонноро, коллегалара туруорбут анал бириистэрин туппут оҕолор уонна кинилэр тренердэрэ үс бүк үөрэн, сүөм үрдээн бардылар.

       СР Ил Дархана Егор Борисов ахсынньы 5 күнүн оҕо хамсааһынын күнүнэн анаабыта. Күн бэҕэһээ оскуолабыт тутаах үөрэнээччилэрэ, “Лидер” оҕо хамсааһына, “Тускул” оҕону кэрэҕэ сирдиир киинин 25 сыллаах үбүлүөйүнэн, Манчаары 20-с оонньууларын көрсө улуус киинигэр үрдүк тэрээһиннээхтик ыытыллыбыт күрэххэ кыттан 2 бириистээх миэстэҕэ тиксэн үөрэн-көтөн киирдилэр.

Ити курдук иитэр-үөрэтэр аналлаах Хоро орто оскуолата айа-тута, үлэлии-хамсыы олорор.

 

Назарова Анна Ефимовна саха тылын уонна литературатын учуутала,

Самсонова Розалия Владимировна оскуола дириэктэрэ

 

Просмотров: 92 | Добавил: horo
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Горячая линия ГИА

Телефон доверия:

8-(4112)-42-10-28

+7 (495) 104-68-38

«Горячая линия»:

ЕГЭ: 8-(4112)-42-10-46

ОГЭ: 8-(4112)-42-10-48

+7 (495) 984-89-19

Контакт
Телефон/факс приёмной:

8-(411)-33-2-32-11
с 8:00 до 18:00

Бухгалтерия

8-(411)-33-2-33-20
с 9:00 до 18:00


Пришкольный интернат

8-(411)-33-2-31-11
с 9:00 до 18:00


Адрес электронной почты:


Юридический адрес школы:

село Хоро, улица Октябрьская 5, Верхневилюйский улус, Республика Саха(Якутия) инд.: 678233


Администрация школы, режим работы

Друзья сайта
  • Сайт Верхневилюйского управления образования
  • ИРОиПК
  • Министерство образования РС (Я)
  • ФГОС
  • МОиН РФ
  • Архив записей
    МБОУ Хоринская СОШ им.Г.Н.Чиряева © 2019Создать бесплатный сайт с uCoz